Sámis okta daid buot stuorámus nástiin lei eahpikeahttá Áillohaš rohki. Son bosádii heakka sámi kultuvrii dalle go ii oktage atnán sámivuođa árvvus, ja ealáskahtii moanát beliid ja dáhpáhusaid sámi servodagas. Áillohaš lei beakkán dáiddár ja hálddašii ge máŋga dáiddasuorggi, sihke musihka, eandalii luohtedáiddus bokte, govvanjuohtama ja dieđusge čállima. Son vuittii Davviriikkaid ráđi girjjálašvuođa bálkašumi “Beaivi, áhčážan” girjjiin 1991as.
Danne lea ge Beaivváš Sámi Teáhter rámis go beassat ovdánbuktit su teáhterbihttá Ridn`oaivi ja nieguid oaidni man son čálii jápanálaš Noh teáhtera njuolggadusaid mielde. Ii leat leamaš nu dovddus ahte son lei maid drámatihkár, go dát bealli ii boahtán oidnosii ovdal loahpageahčen su eallimis. Son gearggai vel oasálastit bihttásis go dat bidjui bajás Jápanas, ja sus lei ge dáhttu dan ovdánbuktit Beaivváš Sámi Teáhteris.
Áillohačča dáidaga lea váttis čilget sániin, su ferte vásihit.
Nu lea ge Ridn`oaivi ja nieguid oaidni Áillohačča vuoiŋŋa mielde.
Čuovvut boazovázzi ja su deaivvadeami nuppe ilmmi Ridn`oaivvin. Poehtálaš sániin sunno deaivvadeapmi ilbmada govaid ja dovdduid, šuoŋaid ja lihkadusaid. Luđiin oahpásmuvvat sunnon ja lihkadusaid bokte fas sunno vásáhusain.
Ovttasbargoprošeakta gaskkal Beaivváš Sámi Teáhtera, Sámi Dáiddárráđđi (Sámi Juoigan Searvi, Sámi Girječálliid Searvi, Sámi Dáiddačehpiid Searvi) ja Prosjektus - Svein Kristiansen.
Bures boahtin earenaomaš luohte teáhter vásáhussii!
Mielde: Egil Keskitalo, Nils Henrik Buljo, Inga-Máret Gaup Juuso, Iŋgor Ántte Áilu Gaup, Mary Sarre
Bagadalli: Haukur J. Gunnarsson. Koreografiija: Indra Lorentzen. Lávdehápmen: Aage Gaup (Hedda vuoiti). Bivttashápmen: Berit Marit Hætta (Hedda vuoiti).
Musihkka: Roger Ludvigsen (Edvard bálkkašupmi)
Haukur J. Gunnarsson - bagadalli
Indra Lorentzen - koreográfa
Aage Gaup - lávdehápmen
Biret Máret Hætta – bivttashápmen
Kurt Hermansen – čuovgahápmen
Sven Henriksen - vuoiddashápmen
Neavttárveahka:
Egil Keskitalo
Nils Henrik Buljo
Inga-Máret Gaup Juuso
Iŋgor Ántte Áilu Gaup
Mary Sarre
Čuojaheaddjit:
Esa Kotilainen
Patrick Shaw Iversen
