Bures dadjon lea bures dahkkon – vuorrasat olbmot 6 iešguđege sámi báikin liikoje čájálmasa hui bures, min neavttárat váldojuvvo bures vuostá buot báikkiin, ja šattaige alla váffel-, reaškas- ja liekkus fáktor diein báikkiin. Nu mot duon govas vuolabealde, go min njeallje neavttára finadedje Guovdageainnu dearvvašvuođaguovddažis. Mot dal aŋkke leaš, čájálmas lea dal čájehuvvon maŋemus geardde. Máze doaibmaguovddaža geavaheaddjit gehčče dan maŋemus čájálmasa.

Da lea nu mot NRK Sámi radio TV-ođas muitalii ášši birra, máŋŋel go ledje fitnan vuostaš čájálmasas, Kárášjogas.

Ja dainna čájálmasain jovssaige maid Beaivváš logu 108; Beaivváš lea čájehan ja loahpahan oktiibuot 108 čájálmasa dan rájes go lea doaibmagoahtán, 1981. Bures dahkon. Sihke Beaivvážis, muhto maiddái Ingá Márjá Sarre, mii iežas lášmatvuođain bures guoimmuhii min eallilan buolvva. Bures dahkkon!

Ovdalaš artihkal dan čájálmasa birra.