03.10.08

Beaivváš Sámi Teáhtera stivra lea stivračoahkkimis 2.10.08 ságastallan dan dili masa Beaivváš Sámi Teáhter  lea šaddan St.meld 32 (2007-2008) “Bak kulissene” dieđáhusas.

Beaivváš Sámi Teáhtera stivra áigu cealkit čuovvovaččat:

Beaivváš Sámi Teáhter lea  našunála teáhter Norgga eamiálbmogii, sápmelaččaide. Danne lea norgga stádas čielga nášuvnnalaš ovddasvástádus addit teáhterii ovdánahttinvejolašvuođaid mat leat dárbbašlaččat Norgga našunála teáhterii. Dat lea vuođđuvvon Vuođđolágas § 110.A.

Dan ovddasvástádusa ii sáhte norgga stáda duvdit  eret, dahje dušše bidjat ovddasvástádusa Sámedikki háldui, sámi álbmoga áidna politihkalaš orgánan.